Derguar per publikim nga Redi Leskaj
Kryesia e Partisë Balli Kombëtar i Iliridës ndjehet e tmerruar dhe distancohet nga Afera e spiunazhit – ÇETNIKU.
“Në mbledhjen e mbajtur më 24.06.2015 në Tetovë, kryesia e partisë analizoi rrjedhat politike me theks të veçantë fragmentimin e spektrit të djathtë politik në trojet shqiptare. Kryesia jonë konstaton me dhimbje të thellë, se në fraksionin e ri të krijuar nga Adriatik Alimadhi dhe Ahmet Mulliqi në Republikën e Kosovës janë inkuadruar edhe të shantazhuarit e shërbimeve sekrete të Serbisë.
Ftojmë Adriatik Alimadhin, kryetarin e PBK në Shqipëri të reflektojë, të jap dorëheqje dhe të distancohet menjëherë nga afera – ÇETNIKU.
Alimadhi të ndalojë veprimtarinë e turpshme të krijimit të frakcioneve me njerëz të shantazhuar nga shërbimet intelegjente serbe. Ftojmë Ahmet Mulliqin, iniciatorin dhe drejtuesin e fraksionit të ri „Partia e Ballit“ në Kosovë, të japë dorëheqje të parevokueshme dhe t’a shuajë frakcionin e turpit, sepse në kryesinë e tij qëndron ulur pranë e pranë, dora e zgjatur e shërbimeve serbe”.BS
