Lllotaria !
“Të rëntë Llotaria Amerikane” kjo ishte fraza më e dëgjuar në këto ditë emocionuese për të gjithë shqiptarët në Shqipëri dhe vecanërisht mes të rinjsh . Këto janë ditë ku shumë nga pushtetarët tanë duhet të reflektojnë . Pse ky masivizim dëshirash për tu larguar ? Pse gjithë ky dëshpërim mes dritës nga e cila ka sytë Shqipëria ? Pse gjithë këto ëndërra të ndërtuara jasht MËMËDHEUT?
E psë thua vallë ? Po s ka se si të ndodhe ndryshe ne nje vend ku edhe ata pak të rinj të cilët duan të rrinë janë bijtë e ministrave , deputetëve , kryetarët e bashkive , drejtorëve të rejtorive, gjygjtarëve , prokuroreve dhe doktoreve . Sepse këta e gëzojnë këtë vend ,sepse si një i sapodiplomuar shkon për të kërkuar punë duhet të kesh xhaxhain deputet ose të paktën I gjithë fisi jot të ketë votuar partinë në pushtet ne zgjedhjet e fundit . Sepse në qoftë se burri i hallos është kundra pushtetit atëhere ti je me “BIOGRAFI TË KEQE” .
Sepse në qoftë se ty si qytetar i thjeshtë rasti të dergon në gjykatë atëherë duhet të “zesh rrënjë” dyerve të gjykatave mes seancave maratone të gjygjeve të cilat nuk kanë fund të paktën deri në kohë që ti paguan atë c ka gjykatësi e ka vendosur si taksë për përfitimin personal . Nuk mbaron këtu pasi në qoftë se pala tjetër ka paguar taksat para teje atëherë e drejta jote bëhet e drejta e tjetrit . Përsa i përket trafikantëve dhe te fortëve të qytetit e drejta e tyre del që në seancën e parë të gjygjit .
E si mund të ndërtosh ëndërrat e tua këtu në këtë vend ku në spitale roja i urgjencës të shikon duart , infermjeri xhepat dhe doktori portofolin . Atje ku ilacet i ble tek farmacia e gruas të doktorit dhe bataniet tek vëllai I tij .
C farë shembulli mund të marrim ne,këtu ku analistë edhe politikanë cirren , ulërasin dhe bërtasin para kamerës dhe jasht saj marrin urdhërat nga shefat . Një vend ku edhe shefi i departamentit te universitetit ka aplikuar për llotarinë amerikane dhe pa iu dridhur zëri thotë “PA E MENDUAR DY HERË DO TË LARGOHEM”. Një vend ku Rektori Universitetit arsimon fëmijët në universitet privat , ku tarifat e arsimimit rriten dhe niveli i sherbimit ulet .
Ja pra mik , këto duhet ti reflektojnë pushtetarët tanë por ku kanë mend ata, ata janë një grup kriminelash ku ti mbledhësh të gjithë së bashku bëhen 2000 vetë ja pra këta mbajnë peng ëndërrat e tre miljon Shqiptarëve . Në fund kam një urim apo lutje nuk e di c farë është “Ju daltë LLOTARIA AMERIKANE” juve o pushtetarë .
