Fillon aksioni për çlirimin e hapësirave publike në qendrën e Adriatikut. Stafi i Bashkisë Kurbin, me mirkuptimin dhe ndihmesën e vetë banorëve të zonës, që në orët e para të mëngjesit, kanë nisur aksionin për prishjen e objekteve informale, shkaktarë të drejtpërdrejta të dëmtimit te rrjetit të ujërave të zeza dhe krijimit të ambienteve burim sëmundjesh. Duke e bërë jetesën tejet të vështirë për banorët.Pasi të përfundojë procesi i rehabilitimit te ambienteve të përbashkëta të pallateve, do të vijohet me ritme të larta për ndërtimin e rrjetit të ri të kanalizime dhe shtrimin e trotuarëve, duke ndryshuar njëherë e mirë këtë realitet të hidhur për keto banorë.
Prej dekadash banorët e kësaj qyteze prane bregdetit të Adriatikut, zonë mjaft e populluar me banorë të ardhur nga zona të ndryshme të vendit janë përballur me fenomenin e ndotjes prej ujrave të zeza, ndërsa tashme bashkia e Kurbinit dhe krue i saj z. Artur Bardhi kanë menduar të kthejnë këtë qytezë me parametra bashkohorë.
Banorët kanë mbështetur iniciativën, duke ndihmuar pë prishjen e tërë objekteve informale, madje janë bashkuar kësaj iniciative për të ndihmuar në aksionin e ndërmarrë nga bashkia e Kurbinit. Sakaq Artur bardhi ka premtuar përshpejtimin e punimeve në pastrimin e tërë zonës duke filluar dhe punimet në investimin e kanalizimeve projekt që ka si qëllim të përfundojë në kohë rekord.
Sipas kreut të bashkisë Kurbin Artur Bardhi Adriatiku kjo qytezë pranë bregdetit do të shijojë investime në shërbim të këtij komuniteti.
